Molo masa ma sada ulaon isarana malua (sidi), tardidi poso-poso jala naginokkon sahat tu hula-hula dohot Tulang
Nipaihut-ihut angka ulaon "Silas ni roha" sisongonon adong do mardalan ruhut-ruhut ni adat Batak ima "Tudu-tudu sipanganon dohot Dengke simudur-mudur". Dung sidung marsipanganon sai adong do sungkun-sungkun sian horong ni Hula-hula taringot "tudu-tudu sipanganon" naung nijalo na sian parboruon na. Jala jot-jot do nibege alus ni suhut mandok "Surung-surung muna do i Rajanami".
Nilapatan hata "surung-surung i" na gabe "hak" ni horong ni hula-hula/Tulang ma i, artina horong nihula-hula/Tulang ma namarbagihon i. Molo na songoni do, dang adong jambar tu Raja ni dongan sahuta, Raja ni dongan tubu dohot Raja ni boru. Alai hea muse nijaha molo ulaon "Las ni roha" sisongoni "Ihur-ihur" hot ma i di hasuhuton, nilapatan muse "Ihur-ihur" tinggal mai di Suhut jala ima sibagion na tu angka dongan tubu na. Molo sisongoni "Tudu-tudu ni sipanganon i" dang surung-surung ni hula-hula/Tulang be, nunga gabe jambar taripar.
Ulaon di Jabu sisongonon do na jot-jot niadopan diparserahan on, naeng ma nian mardalan denggan ulaon i molo niantusan ruhut-ruhut ni ulaon i. Mardalan pe "tudu-tudu sipanganon dohot dengke simudur-udur" ima na patuduhon las ni roha jala dalan pasangaphon hula-hula/Tulang dohto patuduhon holong tu boruna. Antong molo masa ulaon sisongoni, ro sungkun -sungkun ni hula-hula/Tulang taringot tudu-tudu ni sipanganon naung nipasahat parboruonna tu nasida, aha do alus ni paidua ni hasuhuton?. Surung-surung do manang "Nunga hupasahat hami tu hamu rajanami, asa hamu ma namangaturhon, manghobasi pe hami?
Tu angka dongan, asa tuturi jala bahen hamu pangajarion tu iba nahurang pangantusion diulaon habatahon. Asa molo niulahon pe dang manimbil sian naniulahon angka dongan, jala unang adong namasipaurakhon
31 Jul 2009
SUNGKUN-SUNGKUN TARINGOT SURUNG-SURUNG
Subscribe to:
Post Comments (Atom)
Molo di pasahat borunta tu hita tudutudu ni sipanganon di dok surung2
ReplyDeletetontu borunta ma namangaturhon.
alai sering gabe pamoruon ni borunta ido na mambagi tontu namasa di nasida ma dibaen ala hula2 na do disungkun.
Molo surung-surung hak ni namanjalo mai jala holan dongan sahuta ni namanjalo dohot na mangalean do dapotan.
asing ni marbagi ma sude horong ni hula2 na ni ontang.
ido selayakna, alai mrboha bahenon ma hita di parserakn on ai sipata pe olo do holan kita ro molo adong ulaon nametmet di pamoruonta. Jadi dang mungkin boanonta sude parjambaron i.
horas
Jamson Sirait Ajibata