27 Jul 2009

ULOS SAPUT NA HUMALAPUT

Dinahurang parbinotoan niba diparadaton niulahon ma pasahat ulos saput tu sada ina namonding (sari matua), alai maralo do tu panghilalaan niba napasahathon i. Asa songon na boi angka dongan umbotosa jala mangido panuturian iba, nipatorang ma jolo di namangulahon pasahat ulos saput i

Sabtu, 25 Juli 2009. Sahat barita melalui celluler sian dongan tubu na paboahon adong sada Ina naung marujung ngolu. Ditelepon i sinungkun ma dongan tubu on "ise do haroa Ina i?". "Au pe dang hutanda, ai tu au pe barita do!". Anggo so binoto do, jala dang ruas ni punguanta, ba,,,,,dang adong tanggung jawabta disi, "ningon mangalusi". Alai boru Siahaan do daba, "inna dongan tubu on muse". "Olo,,,boru Siahaan dia?", "songonon ma i, sungku ma jo boru Siahaan dia, dungi telepon ma au muse, "ima alus hu laos manutup telepon i". Pendek ni hata, borhat ma iba songon namaningkir jo, hape dipardalanan manghuling muse celluler napaboahon asa unang be ro tujabuna, alai tugareja ma, ai nunga diboan tugareja "inna dongan tubu namanelepon i". Sahat ma tu gareja, nunga adong piga-piga angka jolma songon namanghata-hatai.

Haluar ma par Bapa tua on si bagas gareja i,,laos didapothon ma iba, tuani ma nga roho ba, jala intor didapothon ma angka ama namanghata-hatai i jala didok ma "tu katua nami ma hamu manghatai lae" Horas lae,,,,horas ningon mangalusi. "Songonon do lae, Hamu do pasahathon ulos saput tu Ina namonding on, jala sonari do pasahaton muna, suadong be tingki",,,,,inna songon na humalaput dinamandok hatana i. "Santabi jo lae, ise do hamu?" jala dia do hasuhuton?. "Hami sian dongan parsahutaon do lae, jala dang adong hasuhuton dison". "Nasotarbereng nami do bangke ni Inang on di huta, so dilean naumpuna kontrakan i bangke ni Inang on asa tu jabu i". Ai haji do naumpunasa, "inna muse".

Dipanghataion i niboto ma, ia Inang naung jumolo on marjabu dijoloni helana (marga Saragi/br.Simanjuntak). Jala helana on dang mandohoti punguan parsahutaon, dang mandohoti punguan dongan tubuna, suang songoni punguan nihula-hulana manang punguan dia pe. Ditingki ngoluna marhamulian ma Inang on tu Marga Simanjuntak. Ala dang ganjang umur ni Amanta i (Simanjuntak), marhamulian ma muse Inang on tu marga Manullang. Sian hatorangan nabinege, amanta Simanullang i mangolu dope alai dang diboto manang didia, haroa dibagasan hahurang dengganon do parsaripeon nasida "Sari matua ma status ni Inang on".

On ma bahen hamu ulos tu Inang i, "inna angka dongan na disi". Borat do pangkilalan manjalo ulos i, nunga dibagasan gareja jala nunga dibagasan poti hape pasahaton ma muse saput?. Leleng do iba songon namarsidalian asa unang pola pasahaton be ulos saput. Nungnga hurang tingkos be pangkilalan pasahatton saput sisongoni, sai songon na manegai adat do iba diangka sisongonon. Ala marbatas do tong tingki dilehon pargareja, jom 14.00 manang pukul 2.00 ingkon boanon do langsung tu udean, jala nungnga sai mandosak angka sitorop, "simbolis doi lae". Pasahat hamu ma "inna sitorop", gabe nioloan ma napasahat ulos Saput i. Ulos sipasahaton pe, dang suman tu namargoar "Saput". Beha do on. Dung nipasahat saput i, hira-hira 5 menit nari ro ma muse namanaruhon Ulos asa niganti inna ulos saput i, ah tutu,,,,,,,harhar do niulahon. Ni ampehon ma muse ulos i tu ulos naung niampehon naparjolo i. So binoto manghatahon be,,,,,,,!

Andorang so diboan tu udean, didok ma muse tu hami asa diudean ma annon mandok mauliate tu hami hula-hulana,,,,,,,,,,,,,,,,Molo na binoto nian, dongan tubu ni hasuhuton mandok mauliate tu angka sitorop namandohoti sahat tu udean, alai anggo tu hula-hula naingkon panakhononna dope tu jabu,,,,,,ah tutu parir nai. logo ni ari do nian saonari,,,,,hape apala tingkion ro udan mansai gogo,,,,,dang dohot be hami antong tu udean,,,,naung sahat ma i, "ningon nama". Tu hamu angka dongan,,,,,bahen hamu pandapot manang hata panuturion diangka ulaon sisongonon. Marboha bahenon ma rajanami, Holong i ma patuduhon hamu tu boru muna on. Ah,,,,,,,,,"Molo suhar bulu disarat dongan, ba ingkon suhar do i saraton",,,,,, Ulaon aha do songonon?,,,,,,dangol nai!!!!

1 comment:

Tidak diklaim kalau yang saya upload adalah sudah benar, jadi bila ada masukan/komentar yang sifatnya meluruskan apalagi menyangkut silsilah/tarombo dengan rendah hati akan saya terima dan saya ucapkan terimakasih