Huta pamolusan molo naeng tu onan Balige sian Tarutung dolok, Lumban gaol, Saitnihuta, Dolok nasuksuk, Siparenggean dohot sian gareja HKBP, Pandia dohot sampuran. Songoni tong molo mulak iba sian maronan manang sian Balige sai na jolo boluson do huta on.
Tingki i niingot dope adong kode molo dang sala kode ni Pantas Sianipar (santabi) namanggadis angka goreng-goreng jala mansai lomo hian roha manuhor goreng kalapa hijo, jala tingki marujung ompung disi do hami maridi dohot marganti baju, dijoloni kode ima paberik ugasan ni gurukhu hian Jeti br.Sianipar (santabi), dihambirang ni paberik ima jabu ni ompung (dang huingot jabu ni ise hian i andorang so dituhor ompung). Jala disosor nauli do huta ni namargoar Raja Toba (molo dang sala au Tuan Mauli/DM/ Parasi), didok Raja Toba ala na karejo dipasar Balige hian do ninna nasida. Molo mulak iba tu Saitnuhuta sai jolo so do iba di Sosor nauli on ai disi do huta ni Bapa Uda/Inang Uda jala sai jolo memereng do iba tunahumaliang songon na palua sihol, molo ujui maridi iba jolo turun do tubinanga na ditorunai alai nuaeng on nunga adong kamar mandi be dijabu i. Gombar i ma jabuna. Ro dope au tu si!
25 May 2009
SOSOR NAULI
Subscribe to:
Post Comments (Atom)
Ama ni Boy.
ReplyDeleteSosor Gonting do manang Sosor Nauli?
Sosor Gonting di Bona ni Dolok doi, bariba binanga Aekbolon sabola siamun molo laho tu Onan Balige,deretan huta Siparrenggean, jala ndang hea dibolus angka parhuta dibagian julu ni Aekbolon, songon na nisuratmon.
Sosor Nauli (dh Sibegu Laos) parhaumaan nagabe parhutaan. adong dung ujung ni taon 1970 do ra?
Mauliate
Mauliate ma diBapa i! Nanidok ni bapa i do natingkos, nasalelengon sai nidok hian do hutai "Sibegu laos", alai dang ibe ninna goar ni huta i.
ReplyDeleteParbinotoan pe Bapa dang sadia dope holan mangasahon parningotan dohot sungkun-sungkun do. Sahali nai huulangi mandok mauliate
horas
ReplyDelete