Aekbolon huta hatubuan,
Disi do tano hatubuan, Saitnihuta aekbolon jae. Kecamatan Balige, Kabupaten Toba Samosir.
Maridi disibual-bual tingki haetehon i, mangallang gadong na tinutungan , marbadai dohot angka dongan sai niingot dope i nang pe dijaman hamajuon on. Molo jumpang ari Jumahat las situtu ma roha ai jumpang ma ari onan, tangis do nanipangasahonon asa boi dohot maronan tu Balige, mardalan do tingki i jala dang sanga maridi holan marsuhappon nambur ni duhut-duhut tingki dipardalanan do. hira-hira lima batu ma daoni huta i sahat tu onan. Alani las ni roha so nihilala be loja marikkati huhut mandangguri angka batu tu toruan i, sahat tu toru ni sihail-hail uli ma berengon angka nahumaliang, tarida ma tao i marhillong-hillong dohot dolok-dolok i songon na manarupi. Sahat tu Rumah sakit balige pe asa boi dohonon helleng dalani jala angka paronan sian huta naasing marudur-udur berengon manghunti angka boan-boanna tu onan i, adong mai naeng manggadis angka bagot ni horbo, manggadis gambiri, tolor dohot angka naasing. Taringot tutu Rumah sakit HKBP i tahe niingot dope Rumah sakit na jago hian do i ai godang do angka dokter sibontar mata hian disi jala godang do angka namarsahit sian Medan, Siantar dohot sian angka luat nasing dope marobat tusi. Hape saonari nibege barita hira soadong be angka namarsahit marubat tusi sian angka luat naasing, haru sian humaliang Balige pe tahe nunnga marubat tu Medan manang tu Siantar. nang pe songoni sai huingot do i jala sai masihol do iba mardalan sian onan i sahat tu Aekbolon mamolus Rumah sakit i. Aek bolon hatubuan hu
25 May 2009
Saitnihuta Huta Hatubuan
Subscribe to:
Post Comments (Atom)
Tingki tahuak manuk paduahalihon topet ari senen 17 maret 1947, dibasa-basahon debata ma ahu tu abingan ni dainang di huta Sait Nihuta on.
ReplyDeleteJabu sopo hatubuan ndang adong be disi saonari. nunga jabu ni anak ni Op.Pollak. Jabu Sopo ni Oppunghu pe ndang adongbe.tinggal ma holan losung batu huida di photo on.Di ginjang ni losung batuon do najolo ganup botari Oppunghu doli paima ahu mulak marmahan. Molo dung masuk horbo tu bara di suru ma asa maridi ias tu sibual-bual, jala ingkon ganti baju, ipe asa nangkok tu jabu. Holan jabu ni Bapa siampudan /Manambun nama naberdiri tegak ssian najolo, na asing nunga modifikasi.
Heleng-heleng, Paropo, sok-sok, disi do ahu najolo marmahan.
Oh Huta Sait ni Huta, sai malungun do ahu, mulak tu ho. Debatanghu jala Tuhanhu lehon dia au umur dohot tingki marnida huta hatubuanku.
Photo 1 sudah berlalu muncul photo 2 dan 3. Photo 3 ini tampak jelas Porlak PARRABIAN dibawah bukit kiri atas . Tomat, Ansimun. Unte Jungga, Unte Susu, Bulung ni gadong Ingkau ... dan masih banyak lagi.,,,,sayang kaki dan punggung Among/Inongku tidak kuat lagi manapakimu. Hasilmu cukup melimpah... bahkan pohon yg ditanam dulu sdh menjadi tiang dan papan rumah Alfon yang sekarang berdiri di bekas tanah rumah Bapaku Siampudan. Numpang tidur boleh ngak Alfon... Mauliate parjolo amang.
ReplyDelete