16 Oct 2009

PASAHAT ULOS HERBANG DI PESTA UNJUK

Marragam do pandohan diangka napasahat ulos herbang ditingki ulaon pesta unjuk. Adong na mardongan pasu-pasu marhite angka umpasa manang umpama, jala adong muse pandohan na sotarbege tu angka loloan alani nenget nisuarana (hira dihusiphon)

Disada tingki pesta unjuk nanidohotan ima tingki pasahat ulos hela suhut parboru (simatuana) tu pengantin, dang hata pandohan nanidokna alai tangiang do songon angkup ni pandohan nasomal. Adong muse hata nanaeng sidohononna diwakilhon tu dongan tubuna.

Dison nisurathon songon rumang ni sidohonon ditingki pasahathon angka ulos herbang

Ulos Pansamot :
Napasahathon Suhut Parboru, hasahatanna suhut paranak.
Rumang penyampaiannya : Hamu lae/ito.....hupasahat hami ma nuaeng tu hamu ulos pansamot. Nunga dipatulus Tuhanta sangkap ni rohanta di parsaripeon ni anakhonta, sai dilehon Tuhan i ma dihamu hahipason, tiur ni pansarian dohot pansamotan dihamu. Asa songon hata ni situa-tua :

"Dolok ni purba tua tondonghon siborotan
Sahat ma hamu saur matua, tiur angka pansamotan

Niumpat padang togu mangihut simarbulu-bulu
Tu lelengna ma hamu mangolu rodi nasarsar uban di ulu
Sahat tu napairing-iring pahompu

Sahat-sahat ni solu sahat tu bontean
Nunga sahat be tahinta
Sai sahat ma hita horas jala gabean

Hira-hira songonima hata sidohonon diangka napasahathon ulos herbang di pesta unjuk, naeng ma nian suhut bolon mempersiaphon dirina nanaeng pasahathon ulos i, unang mewakilhon tu angka dongan tubuna.

No comments:

Post a Comment

Tidak diklaim kalau yang saya upload adalah sudah benar, jadi bila ada masukan/komentar yang sifatnya meluruskan apalagi menyangkut silsilah/tarombo dengan rendah hati akan saya terima dan saya ucapkan terimakasih